Höfundur: Sigga Dögg

Sagan um Daða fjallar um ungan gaur sem glímir við ástina, ástarsorg, sjálfsmyndina

og gredduna. Daði spilar sig svalan fyrir félögunum og stelpunni sem hann er skotinn í

en undir yfirborðinu krauma mótsagnakenndar tilfinningar sem Daði reynir að átta sig á

og vinna úr. Við þessa úrvinnslu fer Daði í ítarlega naflaskoðun sem leiðir hann í

tímaferðalag um eigin kynþroska, rúnkdagbækurnar og kynfræðslukvöldum mömmu

sinnar.

Bókin byggir á algengum spurningum og umræðum drengja úr kynfræðslu
Siggu Daggar kynfræðings um land allt undanfarin tíu ár. Það er algengt að
nota dæmisögur í kynfræðslu en hér er það form tekið lengra. Hér tvinnar
höfundur saman raunveruleika íslenskra drengja og kynfræðslu í eina sögu þar
sem lesandinn nær að spegla sig í persónunum en einnig að fræðast um
tilfinningar, samskipti, kynhneigð, og eigin kynveru.

Daði er sjálfstætt framhald bókarinnar kynVeru, sem kom út árið 2018.